വീട്ടുമുറ്റത്തു നിര്ത്തിയിട്ട സ്കൂട്ടറിനു തീപിടിച്ചു
തളിപ്പറമ്പ :
വീട്ടുമുറ്റത്തു നിര്ത്തിയിട്ട സ്കൂട്ടറിനു തീപിടിച്ചു. വീടും ഭാഗികമായി കത്തിനശിച്ചു. ധര്മശാലയില് ഇന്നലെ വൈകുന്നേരം നാലോടെയായിരുന്നു സംഭവം.
നിഫ്റ്റില് പഠിക്കുന്ന ഉത്തരേന്ത്യക്കാരായ വിദ്യാര്ഥികള് വാടകയ്ക്കു താമസിക്കുന്ന റിട്ട.കേണല് ബാലന് നമ്ബ്യാരുടെ വീട്ടുമുറ്റത്തു നിര്ത്തിയിട്ട കെഎല് 13-ഇസഡ്-7417 നമ്ബര് സ്കൂട്ടറിനു തീപിടിച്ച് ഇതോടൊപ്പം വീടിന്റെ ജനല് ഉള്പ്പെടെയുള്ള ഭാഗവും തീപിടിച്ചു നശിക്കുകയായിരുന്നു. നാട്ടുകാരെത്തി തീയണച്ചെങ്കിലും സ്കൂട്ടര് പൂര്ണമായി കത്തിയ നിലയിലാണ്. വിവരമറിഞ്ഞു തളിപ്പറമ്ബ് പോലീസും സ്ഥലത്തെത്തിയിരുന്നു. ഇവിടെ താമസിച്ചിരുന്ന ഉത്തരേന്ത്യക്കാരായ വിദ്യാര്ഥികളിലൊരാളുടെയാണു തീപിടിച്ചു നശിച്ച സ്കൂട്ടര്. ഇവര് കഴിഞ്ഞ ദിവസം നാട്ടിലേക്കു പോയിരുന്നു. തീപിടിത്തത്തിന്റെ കാരണം വ്യക്തമല്ല. സംഭവത്തില് ദുരൂഹതയുണ്ടെന്നു പോലീസ് പറഞ്ഞു.
ليست هناك تعليقات
إرسال تعليق