കണ്ണൂർ – കോഴിക്കോട് 30 മിനിറ്റ് ; ഏപ്രിലിൽ കണ്ണൂരിൽ നിന്നു പറക്കാം

കണ്ണൂർ :

രാജ്യാന്തര വിമാനത്താവളത്തിൽ നിന്ന് ഏപ്രിൽ ഒന്നിന് ആരംഭിക്കുന്ന എയർ ഇന്ത്യ വിമാനത്തിൽ കോഴിക്കോട്ടേക്കും പറക്കാം. ടിക്കറ്റ് ബുക്കിങ് തുടങ്ങി.

ഡൽഹിയിൽ നിന്നു കണ്ണൂർ വഴി കോഴിക്കോട്ടേക്കും തിരിച്ചുമായിരിക്കും സർവീസുകൾ. ഞായർ, ചൊവ്വ, ബുധൻ, വെള്ളി,ശനി എന്നിങ്ങനെ ആഴ്ചയിൽ അഞ്ചു ദിവസമാണ് സർവീസ്.

ഡൽഹിയിൽ നിന്ന് രാവിലെ 9.05നു പുറപ്പെട്ട് 12.15നു കണ്ണൂരിലെത്തി ഉച്ചയ്ക്ക് 1ന് കോഴിക്കോട്ടേക്കു പോകുന്ന തരത്തിലാണു സർവീസ്. 1.30നു കോഴിക്കോട്ടെത്തുന്ന വിമാനം 2.15നു കണ്ണൂരിലേക്കു പറക്കും.

2.45 നു കണ്ണൂരിലെത്തി വൈകിട്ട് 3.30നു ഡൽഹിയിലേക്കു പോകും. വൈകിട്ട് 6.45നു ഡൽഹിയിൽ ‍എത്തും.

ഡൽഹി – കണ്ണൂർ സർവീസിന് 4200 രൂപ മുതലും കണ്ണൂർ – കോഴിക്കോട് സർവീസിന് 1500 രൂപ മുതലുമാണ് ബുക്കിങ് തുടങ്ങിയപ്പോഴത്തെ നിരക്ക്.