പരിയാരത്ത് ലോറിയും വാനും കൂട്ടിയിടിച്ച‌് ഒരാൾക്ക‌് പരിക്ക‌്

തളിപ്പറമ്പ്:
ദേശീയപാതയിൽ പരിയാരത്ത‌് ലോറിയും ഓമ്നി വാനും കൂട്ടിയിടിച്ച്  ഒരാൾക്ക് പരിക്കേറ്റു.  കാവുമ്പായി കൂട്ടുമുഖം സ്വദേശി നിധിൻ നാരായണനാണ് പരിക്കേറ്റത്. തിങ്കളാഴ്ച വൈകിട്ട്അഞ്ചിനാണ് പരിയാരം പഞ്ചായത്ത് ബസ് സ്റ്റോപ്പിന് സമീപത്താണ‌്  അപകടം.

ചെറുവത്തൂരിൽ നിന്നും തലശേരിയിലേക്ക് പോകുന്ന മത്സ്യലോറിയും എതിരെ വരികയായിരുന്ന ഓമ്നി വാനും തമ്മിൽ കൂട്ടിയിടിക്കുകയായിരുന്നു. ഇടിയുടെ ആഘാതത്തിൽ നിയന്ത്രണംവിട്ട‌് ലോറി മറിഞ്ഞു.

ഓമ്നി വാൻ പൂർണ്ണമായും തകർന്നു. ലോറിയിലുണ്ടായിരുന്ന എട്ട‌്ടണ്ണോളം മത്സ്യം നശിച്ചു.  പരിക്കേറ്റ ഓമ്നി വാൻ ഡ്രൈവറെ    മംഗ‌്ളുരു ആശുപത്രിയിൽ പ്രവേശിപ്പിച്ചു.