സംസ്‌ഥാനത്ത്‌ പരക്കെ കനത്തമഴ തുടങ്ങി - 3 ജില്ലകളിൽ മഞ്ഞ അലർട്ട്‌

ന്യൂനമർദത്തെ തുടർന്ന്‌ സംസ്‌ഥാനത്തിന്റെ പല ഭാഗങ്ങളിലും കനത്തമഴ തുടങ്ങി. 

ന്യൂനമർദത്തെ തുടർന്ന‌് വ്യാഴാഴ‌്ച രാവിലെ വരെ കേരളത്തിൽ വ്യാപകമഴ ലഭിക്കുമെന്ന‌് കാലാവസ്ഥാ നിരീക്ഷണകേന്ദ്രം അറിയിച്ചു.

തെക്ക് പടിഞ്ഞാറൻ ബംഗാൾ ഉൾക്കടലിലും ഇന്ത്യൻ മഹാസമുദ്രത്തിന്റെ ഭൂമധ്യരേഖയ്ക്കും അടുത്ത് പുതുതായി രൂപംകൊണ്ട ന്യൂനമർദം അതിന്യൂനമർദമായി മാറാൻ സാധ്യതയുണ്ടെന്നും കാലാവസ്‌ഥാ നിരീക്ഷണ കേന്ദ്രം അറിയിച്ചു.

എറണാകുളം ജില്ലയിൽ രാവിലെ മുതൽ കനത്തമഴയുണ്ട്‌. 

മഴ സാധ്യത കണക്കിലെടുത്ത്‌ ഇടുക്കി, പത്തനംതിട്ട, കോട്ടയം ജില്ലകളിൽ ബുധനാഴ‌്ച മഞ്ഞ അലർട്ട് പ്രഖ്യാപിച്ചു.