കണ്ണൂരിൽ കോവിഡ് 19 വൈറസ് രോഗം ബാധിക്കുമെന്ന ഭീതിയിൽ യുവാവ് ജീവനൊടുക്കി

ആലക്കോട് : 

കോവിഡ് 19 വൈറസ് രോഗം ബാധിക്കുമെന്ന ഭീതിയിൽ യുവാവ് ജീവനൊടുക്കി . ആലക്കോട് കാർത്തികപുരംപാറോ ത്തുംമലയിലാണ് യുവാവിനെ ആത്മഹത്യ ചെയ്ത നിലയിൽ കണ്ടെത്തിയത് . 

തനിക്ക് കൊറോണ  ബാധിക്കുമെന്ന് ഭയം ഇയാൾക്കുണ്ടായിരുന്നതായി ബന്ധുക്കൾ പറഞ്ഞു മാവുംതട്ട് ആശാൻ കവല സ്വദേശി മാങ്ങാട്ട് ബിനീഷ് 40 ആണ് റോഡരികിലെ മരത്തിൽ തൂങ്ങി മരിച്ച നിലയിൽ കണ്ടെത്തിയത് . കൊറോണ പിടിപെടുന്ന ഭീതിയിൽ കഴിഞ്ഞ ഒരാഴ്ചയായി ഇയാൾ ആശങ്കയിലായിരുന്നു . 

കാസർഗോഡ് ജില്ലയിൽ 10 ദിവസം മുമ്പ് ഇയാൾ ജോലി അന്വേഷിച്ചു പോയിരുന്നു തുടർന്ന് ലോക്ക് ഡൗൺ വന്നതോടെ തിരികെ വരികയും ചെയ്തു . കാസർകോട് നിന്ന് ചില ബന്ധുക്കളും ഇയാൾക്കൊപ്പം വീട്ടിലേക്ക് വന്നിരുന്നു കാസർകോട് നിന്നും വന്നതിനാൽ ബന്ധുക്കൾക്കൊപ്പം ഇയാളും കുടുംബവും നിരീക്ഷണത്തിലായിരുന്നു . എന്നാൽ ഇവർക്കാർക്കും യാതൊരുവിധ രോഗലക്ഷണവും ഉണ്ടായിരുന്നില്ല .തനിക്ക് കൊറോണ പിടിപെട്ടാൽ തന്റെ കുടുംബത്തിൽ ഉള്ളവർക്കെല്ലാം രോഗം ബാധിക്കുമെന്ന ഭീതി അടുത്ത സുഹൃത്തുക്കളോട് ഇയാൾ പങ്കുവെച്ച് തായാണ് അറിവ് . 

ബുധനാഴ്ച രാത്രിയിൽ കിടന്നുറങ്ങിയ ഇയാളെ വീട്ടിൽ കാണാത്തതിനെ തുടർന്ന് നടത്തിയ അന്വേഷണത്തിലാണ് തൂങ്ങിമരിച്ച നിലയിൽ കണ്ടത്ആലക്കോട് പൊലിസ് ഇൻക്വസ്റ്റ് നടത്തി.