അമ്മയും മകളും മരിച്ച നിലയില്: മുറിക്കുള്ളിലും ഹാളിലുമായി മൃതദേഹങ്ങള്, നാടിനെ ഞെട്ടിച്ച് സംഭവം
തിരുവനന്തപുരം: പാലോട് പേരയം ചെല്ലഞ്ചിയില് അമ്മയെയും മകളെയും മരിച്ച നിലയില് കണ്ടെത്തി. ചെല്ലഞ്ചി ഗീതാലയത്തില് സുപ്രഭ (88), ഗീത (59) എന്നിവരാണു മരിച്ചത്. സംഭവം നടക്കുമ്പോള് ഗീതയുടെ ഭര്ത്താവ് വത്സലന് വീട്ടില് ഉണ്ടായിരുന്നു. പാലോട് പൊലീസ് സ്ഥലത്തെത്തി പരിശോധന നടത്തി.
മാനസിക സമ്മര്ദ്ദത്തെ തുടര്ന്ന് ഇരുവരും ജീവനൊടുക്കുകയായിരുന്നുവെന്നാണു ബന്ധുക്കള് പറയുന്നത് ഇന്നു രാവിലെ എട്ടരയോടെ ഗീതയുടെ മൃതദേഹം വീടിന്റെ ഹാളിലും സുപ്രഭയുടെ മൃതദേഹം മുറിക്ക് ഉള്ളിലുമാണ് കണ്ടെത്തിയത്. അമിതമായി ഗുളിക കഴിച്ചതാണ് മരണകാരണമെന്നാണ് പ്രാഥമിക നിഗമനം. 3 ദിവസം മുന്പ് 12 സെന്റ് വസ്തുവുമായി ബന്ധപ്പെട്ടുള്ള കേസില് ഇവര്ക്ക് പ്രതികൂലമായിട്ടായിരുന്നു വിധി. ഇത് ഇരുവരെയും മാനസികമായി തളര്ത്തിയിരുന്നുവെന്ന് ബന്ധുക്കള് പറയുന്നു.
ശ്രദ്ധിക്കുക: ആത്മഹത്യ ഒന്നിനും പരിഹാരമല്ല. മാനസികാരോഗ്യ വിദഗ്ധരുടെ സഹായം തേടുക, അതിജീവിക്കാന് ശ്രമിക്കുക. ഹെല്പ്ലൈന് നമ്പര് – 1056, 0471- 2552056)
About Soorya
ليست هناك تعليقات
إرسال تعليق