ബിജെപി ഭക്ഷ്യക്കിറ്റുകൾ വിതരണം ചെയ്ത സംഭവം; നടപടിയെടുക്കുമെന്ന് വയനാട് ജില്ലാ കളക്ടർ ആർ രേണുരാജ്

ബത്തേരിയിൽ ബിജെപി ഭക്ഷ്യക്കിറ്റുകൾ വിതരണം ചെയ്ത സംഭവത്തിൽ നടപടിയെന്ന് വയനാട് ജില്ലാ കളക്ടർ ആർ രേണുരാജ് പറഞ്ഞു. ഭക്ഷ്യകിറ്റുകൾ വിതരണം ചെയ്യുന്നത്‌ ശ്രദ്ധയിൽപ്പെട്ടിട്ടുണ്ടെന്നും ജില്ലാ വരണാധികാരികൂടിയായ കളക്ടർ അറിയിച്ചു. അതേസമയം വയനാട് മാനന്തവാടി കെല്ലൂർ അഞ്ചാംമൈലിൽ ആവശ്യസാധനങ്ങൾ അടങ്ങിയ കിറ്റുകൾ തയ്യാറാക്കിയതായി ആരോപണമുണ്ട്. അഞ്ചാംമൈലിലെ സൂപ്പർമാർക്കറ്റിനു മുന്നിൽ ഇതേതുടർന്ന് സംഘർഷാവസ്ഥ തുടരുകയാണ്.