അറിവരങ്ങ് വിദ്യാ പുരസ്ക്കാരം ഡോ.ഫബീനക്ക്

തളിപ്പറമ്പ് : 

മികച്ച വിദ്യാര്‍ത്ഥിക്ക് തോട്ടിക്കല്‍ അറിവരങ്ങ് വിദ്യാഭ്യാസ ഗ്രൂപ്പ് ഏര്‍പ്പെടുത്തിയ പ്രഥമ വിദ്യാ പുരസ്ക്കാരത്തിന് ഡോ.ഫബീന അര്‍ഹയായി.

പരിയാരം ആയുര്‍വേദ മെഡിക്കല്‍ കോളേജില്‍ നിന്ന് ഫസ്റ്റ് ക്ലാസോടെ ബി.എ.എം.എസ് ബിരുദം നേടിയ ഫബീന അരിപ്പാമ്പ്രയിലെ ഒ.പി.എം മുഹമ്മദ് കുഞ്ഞിയുടെയും ശരീഫയുടെയും മകളാണ്.

ഫലകവും അനുമോദന പത്രവും അടങ്ങിയ അവാര്‍ഡ് അറിവരങ്ങിന്‍െറ മുന്നൂറാം ദിന പരിപാടിയില്‍ വെച്ച് സമര്‍പ്പിക്കും.ചെയര്‍മാന്‍ ഷാക്കിര്‍ തോട്ടിക്കല്‍,ജനറല്‍ കണ്‍വീനര്‍ യു.എം ഉനെെസ്,ക്വിസ് മാസ്റ്റര്‍ സഹീദ് പാറത്തോട് എന്നിവര്‍ അടങ്ങിയ ജൂറിയാണ് പുരസ്ക്കാര ജേതാവിനെ തെരെഞ്ഞെടുത്തത്.