പാലക്കാട് യുകെജി വിദ്യാര്‍ഥി ക്ലാസിൽ ഇരുന്ന് ഉറങ്ങിപ്പോയി: കുട്ടിയുണ്ടെന്നറിയാതെ ക്ലാസ് പൂട്ടി ടീച്ചറും പോയി: പ്രതിഷേധം: വീഡിയോ പുറത്ത്

പാലക്കാട്: 

ഒറ്റപ്പാലത്ത് യുകെജി വിദ്യാര്‍ഥിയെ ക്ലാസ്മുറിയില്‍ പൂട്ടിയിട്ടതായി പരാതി. ഇന്നലെ വൈകീട്ട് വാണിയംകുളം പത്തംകുളം സ്‌കൂളിലാണ് സംഭവം. ഉറങ്ങിപ്പോയ കുഞ്ഞിനെയാണ് പൂട്ടിയിട്ടതെന്നാണ് പരാതി.

വീട്ടുകാര്‍ സ്‌കൂളില്‍ അന്വേഷിച്ചെത്തിയപ്പോഴാണ് കുഞ്ഞിനെ കണ്ടെത്തിയത്. സ്‌കൂള്‍ അധികൃതരുടെ നടപടിയ്‌ക്കെതിരെ രക്ഷിതാക്കള്‍ രംഗത്തെത്തി.