ഒരു നടന്റെ ഫാന്‍സ് അസോസിയേഷന്‍ പ്രവര്‍ത്തകനാണ് എന്നുള്ളതായിരിക്കരുത് നിങ്ങളുടെ ഐഡന്റിറ്റി;മനസ്സ് തുറന്ന് പൃഥ്വിരാജ്

‘സൂപ്പര്‍ ഫാന്‍സ് മീറ്റ്’ എന്ന പരിപാടിയില്‍ ആരാധകരോട് സംവദിക്കുകയായിരുന്ന പൃഥ്വിരാജ് ഒരു നടന്റെയും ഫാന്‍സ് അസോസിയേഷന്‍ പ്രവര്‍ത്തകനാണ് എന്നുള്ളതായിരിക്കരുത് ആരാധകരുടെ ഐഡന്റിറ്റി എന്ന് വ്യക്തമാക്കി. നിങ്ങളൊരു നടന്റെ ഫാന്‍സ് അസോസിയേഷന്‍ പ്രവര്‍ത്തകനാണ് എന്നുള്ളതായിരിക്കരുത് നിങ്ങളുടെ ഐഡന്റിറ്റി എന്നും അത് ആ നടന്റെ മാത്രം ഐഡൻറിറ്റി ആയിരിക്കണം എന്നും അദ്ദേഹം പറഞ്ഞു. അവിടെ കൂടിയിരിക്കുന്ന ആളുകളെ നോക്കി ഇവർ എന്റെ ഫാൻസ് ആണ് എന്നുള്ളത് എന്റെ ഐഡന്റിറ്റി ആണെന്നും അല്ലാതെ അവര്‍ നാളെ ഒരു ജോലിക്ക് അപേക്ഷിക്കുമ്പോള്‍ പൃഥ്വിരാജ് ഫാന്‍സ് അസോസിയേഷനില്‍ അംഗമാണ് എന്നു പറഞ്ഞിട്ട് ഒരു കാര്യവുമില്ല എന്നും പൃഥ്വിരാജ് പറഞ്ഞു.

സെലിബ്രിറ്റീസ് പലപ്പോഴും മറന്നു പോകുന്ന ഒരു കാര്യവും പൃഥ്വി എടുത്തുപറയുന്നുണ്ട്. ദിവസവും 200 പേരെങ്കിലും തന്നോടൊപ്പം ഫോട്ടോ എടുക്കുന്നുണ്ടെന്നും തന്നെ സംബന്ധിച്ചിടത്തോളം അതൊരു ഇംപേഴ്‌സണല്‍ മോമന്റ് ആണെന്നും അദ്ദേഹം പറഞ്ഞു. പക്ഷേ ആ ഫോട്ടോ എടുക്കുന്ന ആൾക്ക് അത് അയാളുടെ ജീവിതത്തിലെ ഏറ്റവും വലിയ നിമിഷമായിരിക്കും എന്ന് പല അഭിനേതാക്കളും മറന്നുപോകുന്നു എന്നും അദ്ദേഹം പറയുന്നുണ്ട്.

www.ezhomelive.com