ദീപാവലിയോടനുബന്ധിച്ച് മൂന്ന് റീച്ചാര്‍ജ് പ്ലാനുകള്‍ പുറത്തിറക്കി ജിയോ

ന്യൂഡല്‍ഹി: ദീപാവലിയോടനുബന്ധിച്ച് റിലയന്‍സ് ജിയോ മൂന്ന് പുതിയ റീച്ചാര്‍ജ് പ്ലാനുകള്‍ പുറത്തിറക്കി. പ്രതിമാസം 222 രൂപ മുതല്‍ തുടങ്ങുന്ന പ്ലാനുകളാണ് അവതരിപ്പിച്ചിട്ടുള്ളത്. ഈ പ്ലാന്‍ പ്രകാരം പ്രതിദിനം 2 ജി.ബി ഡാറ്റയും പരിധിയില്ലാത്ത കോളുകളും മറ്റ് നെറ്റ് വര്‍ക്കുകളിലേയ്ക്ക് 1,000 മിനുട്ട് സംസാരസമയവുമാണ് ലഭിക്കുക. പ്രതിദിനം 100 എസ്എംഎസ് സൗജന്യവുമാണ്. മറ്റ് മൊബൈല്‍ ഓപ്പറേറ്റര്‍മാരുടെ ഫോണുകളിലേയ്ക്ക് വളിക്കാന്‍ വേറെ ടോപ്പ് അപ്പ് വൗച്ചറുകള്‍ ആവശ്യമില്ല. 28 ദിവസമാണ് കാലവാധി.

333 രൂപയുടെ പ്ലാന്‍

മറ്റ് നെറ്റ് വര്‍ക്കുകളിലേയ്ക്ക് 1000 മിനുട്ട് സൗജന്യമായി വിളിക്കാം. പ്രതിദിനം 2 ജിബി ഡാറ്റയും 100എസ്എംഎസും സൗജന്യം. കാലാവധി 56 ദിവസം.

444 രൂപയുടെ പ്ലാന്‍

മറ്റ് നെറ്റ് വര്‍ക്കുകളിയേക്ക് 1000 മിനുട്ട് സൗജന്യം. പ്രതിദിനം 2 ജിബി ഡാറ്റയും 100 എസ്എംഎസും സൗജന്യം. ജിയോ ആപ്പുകള്‍ സൗജന്യം. കാലാവധി 86 ദിവസം. മറ്റ് നെറ്റ് വര്‍ക്കുകളിലേയ്ക്കുള്ള വോയ്‌സ് കോളുകള്‍ക്ക് നിരക്ക് ഈടാക്കിതുടങ്ങിയതിനുശേഷമാണ് ജിയോ പുതിയ പ്ലാനുകള്‍ അവതരിപ്പിച്ചത്. ഒക്ടോബര്‍ 10 മുതലാണ് ഈ കോളുകള്‍ക്ക് മിനുട്ടിന് ആറു പൈസ ഈടാക്കിതുടങ്ങിയത്. ഒക്ടോബര്‍ 10ന് മുമ്പ് ചാര്‍ജ് ചെയ്തിട്ടുള്ളവര്‍ക്ക് ആ പ്ലാനിന്റെ കാലാവധി തീരുന്നതുവരെ സൗജന്യമായി വിളിക്കാം.

www.ezhomelive.com