പിക്കപ്പ് ജീപ്പ് മറിഞ്ഞു

മട്ടന്നൂർ: 
കർണാടകയിൽനിന്ന് പുല്ല് കയറ്റിവരികയായിരുന്ന പിക്കപ്പ് ജീപ്പ് മറിഞ്ഞു. വ്യാഴാഴ്ച പുലർച്ചെ നാലോടെ മട്ടന്നൂർ-ഇരിട്ടി റോഡിൽ കോടതിക്ക് സമീപത്തായിരുന്നു അപകടം. നിറയെ പുല്ലുമായി മമ്പറത്തേക്ക് പോകുകയായിരുന്ന പിക്കപ്പ് ജീപ്പ് റോഡ് നവീകരണത്തിന്റെ ഭാഗമായി റോഡ് പൊളിച്ചിട്ട സ്ഥലത്താണ് മറിഞ്ഞത്. അപകടത്തെത്തുടർന്ന് ഗതാഗതം തടസ്സപ്പെട്ടു. പിക്കപ്പ് ജീപ്പിലെ പുല്ല് നീക്കംചെയ്തശേഷം ക്രെയിൻ ഉപയോഗിച്ചാണ് മറിഞ്ഞ വാഹനം ഉയർത്തിയത്.