*അമ്പൂരി കൊലപാതകം: മുഖ്യ പ്രതി അഖില്‍ പിടിയില്‍*

അമ്പൂരിയിൽ രാഖി എന്ന യുവതി കൊല്ലപ്പെട്ട സംഭവത്തിലെ മുഖ്യപ്രതി അഖിൽ പിടിയിൽ. തിരുവനന്തപുരം വിമാനത്താവളത്തിൽ നിന്നാണ് അഖിലിനെ കസ്റ്റഡിയിലെടുത്തത്.
നിലവിൽ അമ്പൂരി കൊലപാതകത്തിലെ മൂന്നു പ്രതികളും പോലീസ് പിടിയിലായി. നേരത്തെ അഖിലിന്റ സഹോദരൻ രാഹുലിനെയും സുഹൃത്ത് ആദർശിനെയും പോലീസ് അറസ്റ്റ് ചെയ്തിരുന്നു.
ജൂലൈ 24നാണ് പൂവാർ സ്വദേശിനി രാഖിമോളെ തട്ടാംപുരം സ്വദേശി അഖിലിന്റെ വീട്ടുവളപ്പിൽ കുഴിച്ചിട്ട നിലയിൽ കണ്ടെത്തിയത്.