14 കാരിയെ പീഡിപ്പിക്കാന്‍ ശ്രമം; ശ്രീകണ്ഠാപുരത്ത് 55 കാരന്‍ അറസ്റ്റില്‍

ശ്രീകണ്ഠാപുരം: 

ഇക്കഴിഞ്ഞ അഞ്ചാം തിയ്യതി വൈകുന്നേരം 14 കാരിയെ ഐസ്‌ക്രീം വാങ്ങിത്തരാമെന്ന് പറഞ്ഞ് വീട്ടില്‍ കൊണ്ട് പോയി പീഡിപ്പിക്കാന്‍ ശ്രമിച്ച ചെമ്പെന്തൊട്ടി സ്വദേശി അറസ്റ്റില്‍. പനയാറവിള വീട്ടില്‍ മണി എന്ന സോമന്‍(55)നെയാണ് ശ്രീകണ്ഠാപുരം പോലിസ് പോക്‌സോ നിയമപ്രകാരം അറസ്റ്റ് ചെയ്തത്.

പെണ്‍കുട്ടിയുമായി വീട്ടില്‍ എത്തിയ പ്രതി വാതില്‍ അടച്ച് പെണ്‍കുട്ടിയെ ലൈംഗീകമായി പീഡിപ്പിക്കാന്‍ ശ്രമിക്കുകയായിരുന്നു. ഇവിടുന്ന് രക്ഷപ്പെട്ട് വീട്ടിലെത്തിയ പെണ്‍കുട്ടി ബന്ധുക്കളോട് വിവരം പറയുകയായിരുന്നു. തുടര്‍ന്ന് ചൈല്‍ഡ് ലൈനില്‍ പരാതി നല്‍കുകയും പോലീസ് ഇയാളെ പിടികൂടുകയുമായിരുന്നു.പ്രതിയെ ഇന്ന് കോടതിയില്‍ ഹാജരാക്കും.