ഫേസ്ബുക്കിലെ സുരക്ഷാ വീഴ്ച കണ്ടെത്തി വൈറ്റ്ഹാറ്റ് ലിസ്റ്റിൽ ഇടം പിടിച്ച് മലയാളി ടെക്കി; ലിസ്റ്റിൽ ഇടം നേടുന്ന ആദ്യ മലബാറുകാരൻ എന്ന നേട്ടം ഇനി ശ്രീദീപിന് സ്വന്തം

ഫേസ്ബുക്കിലെ സുരക്ഷാ വീഴ്ച കണ്ടെത്തി ഫേസ്ബുക്ക് വൈറ്റ് ഹാറ്റ് ലിസ്റ്റിൽ ഇടം പിടിച്ച് കണ്ണൂർ സ്വദേശി. കണ്ണൂർ അലവിൽ സ്വദേശിയായ ശ്രീദീപ് സി കെ എന്ന യുവ ടെക്കിയാണ് 
2 ബില്യൻ ആളുകളുള്ള ഫേസ്ബുക്കിലെ സുരക്ഷാ വീഴ്ച കണ്ടെത്തിയതിനെത്തുടർന്ന് ലിസ്റ്റിൽ ഇടം പിടിച്ചത്.

വൈറ്റ്ഹാറ്റ് ലിസ്റ്റിൽ നൂറ്റിയെൺപത്തിയെട്ടാം സ്ഥാനമാണ് ശ്രീദീപിന്. മറ്റൊരാളുടെ ഫേസ്ബുക്ക് പേജ് യൂസർ നെയിം ഏറ്റെടുത്ത്, അതുവഴി ആ ഒഫീഷ്യൽ പേജ് ഡിലീറ്റ് ആക്കുകയും ചെയുന്ന സുരക്ഷാ വീഴ്ച ആണ് ശ്രീദീപ് കണ്ടെത്തിയത്. ഫേസ്ബുക്ക് ശ്രീദീപിന് പാരിതോഷികവും നൽകി.

2018 ൽ ഫേസ്ബുക്കിൽ സുരക്ഷാ വീഴ്ചകണ്ടെത്തിയതി നെത്തുടർന്ന് ഫേസ്ബുക്ക് സെക്യൂരിറ്റി ടീം തലവൻ ഡാൻ ശ്രീദിപിനു ഫേസ്ബുക് സെക്യൂരിറ്റി ടീമിലേക് ജോലി വാഗ്ദാനം ചെയ്തിരുന്നു .

2016 മുതൽ 2019 വരെ താൻ റിപ്പോർട്ട് ചെയ്ത ഫേസ്‌ബുക്ക് സുരക്ഷാ വീഴ്ച 41 എണ്ണമാണെന്നും ,ഇപ്പോഴാണ് തനിക്ക് ഫേസ്ബുക് വൈറ്റ്ഹാറ്റ് ലിസ്റ്റിൽ ഇടം പിടിക്കാൻ സാധിച്ചതെന്നും, 

നിലവില്‍ ശ്രീദീപ് ഗൂഗിള്‍ ഹാള്‍ ഓഫ് ഫെയിം ലോക റാങ്കിങ്ങില്‍ 63ആം സ്ഥാനം ശ്രീദീപിനാണ്. കംപ്യൂട്ടര്‍ സിസ്റ്റങ്ങളുടെ സുരക്ഷ ഉറപ്പുവരുത്തുന്നതിനായി പ്രവര്‍ത്തിക്കുന്ന എത്തിക്കല്‍ ഹാക്കര്‍ കൂടിയാണ് ശ്രീദീപ്. ഗൂഗിളിന് പുറമെ മള്‍ട്ടി നാഷണല്‍ കമ്പനികളായ മൈക്രോസോഫ്റ്റ് ഡെല്‍, സോണി, അമേരിക്കന്‍ ടെലി കമ്മ്യൂണിക്കേഷന്‍ ഒറാക്കിള്‍ തുടങ്ങിയ കമ്പനികളുടെ ഹാള്‍ ഓഫ് ഫെയിം അംഗീകാരവും ശ്രീദീപിന് സ്വന്തമാണ്.

ഗൂഗിള്‍ ഡൊമെയ്നുകളിലെ പാളിച്ചകള്‍ കണ്ടെത്തുകയും അതിനുള്ള പരിഹാരം നിര്‍ദ്ദേശിക്കുകയും ചെയ്യുന്നവരെ ഗൂഗിള്‍ പാരിതോഷികം നല്‍കാറുണ്ട്. പാരിതോഷികങ്ങള്‍ നല്‍കുന്നതിന് മുന്‍പ് ഇവരെ ഹാള്‍ ഓഫ് ഫെയിം പട്ടികയില്‍ ഉള്‍പ്പെടുത്തും. അത്തരത്തില്‍ പട്ടികയില്‍ ഇടംനേടിയ വ്യക്തിയാണ് ശ്രീദീപും.

പ്ലസ്ടുവിനു പഠിക്കുമ്പോൾ തന്നെ എത്തിക്കൽ ഹാക്കിങ് രംഗത്ത് സജിവമാണ് ശ്രീദീപ്. എന്നാൽ വന്‍കിട കമ്പനികളുടെ ടെക്നിക്കൽ പിഴവ് കണ്ടെത്തി റിപ്പോർട്ട് ചെയ്യാൻ തുടങ്ങിയത് ഒന്നര വര്‍ഷം മുന്‍പാണ്. സാങ്കേതിക വിദ്യാഭ്യാസം സ്വന്തമാക്കിയത് ഡിസ്റ്റൻസ് എഡുക്കേഷൻ വഴിയാണ്.